كتبت والشعار واجـد وانـا ذيـب
وانا ماقلـت لـك الوحيـد المثالـي
لكننـي ذيـب ٍ مايلحقنـي العيـب
من دار عـز ودار خيـر الرجالـي
واللى يـدور فالرجـال العذاريـب
يبطـى مادامـه طايـل ٍ للجبالـي
الحمـد لله نملـك الجـود والطيـب
والحمـد لله مشيـنـا بالحـلالـي
واللى قدر يهـرب الشـر تهريـب
الـه الرجـال محمليـن الثقـالـي
والضيف اللى مكرمينـه معازيـب
علـى معازيبـه يسـوق الجمالـي
واللى مخاوي مكمليـن المواجيـب
من خوتـه مـدات ايدينـه جزالـي
ويالله يالرحمـان ياعالـم الغـيـب
ياسامع دعانـا فـي ظلـم الليالـي
اغفر لعبد ٍ ماوصل راسـه الشيـب
تـوه شقـى مابيـن قالـوا وقالـي
هذي علومي وانت وش جبت بالجيب
هات العشاء يالذيب بيـن الضلالـي